مورو جي سادات اڳواڻ زنوار سيد شبير علي شاھ پاران مستحق ماڻهن ۾ عيد لاءِ راشن ۽ خرچيءَ جي ورڇ

مورو (رپورٽ وحيد رزاق مستوئي) مورو جي سادات اڳواڻ زنوار سيد شبير علي شاھ پاران سيد هائوس ۾ عيد جي موقعي تي غريب مسڪين ۽ بي پهچ ماڻهن عورتن ۾ راشن تقسيم ڪرڻ واري تقريب ٿي، جنهن جي شروعات دعا سان ڪئي وئي، انهي موقعي تي سيد شبير علي شاھ، سيد علي اڪبر شاھ، سيد نذير علي شاھ، سيد علي حيدر شاھ، سيد علي حسن شاھ، سيد عسڪر علي شاھ، سيد اخلاق حيدر شاھ، سيد ابرار علي شاھ، سيد گلزار شاھ، سيد سرفراز شاھ، سيٺ بشير احمد سيهڙ 2000 کان مٿي مستحقين ۾ عيد جو راشن ورهايو ۽ معصوم ٻارڙن سميت غريب ماڻهن کي ڪيش عيد خرچي پڻ ڏني، انهي موقعي تي سادات اڳواڻ سيد شبير علي شاھ، سيد علي اڪبر شاھ، سيد نذير علي شاھ، سيد علي اڪبر شاھ ۽ ٻين خطاب ڪندي چيو ته خدا تعالىٰ جو فرمان آهي ته هڪ انسان ذات جي خدمت پوري انسانيت جي خدمت آهي، اصل عبادت غريب مسڪين پورهيت طبقي جي خدمت ڪرڻ آهي، ۽ منهنجي دعا آهي ته الله پاڪ انهن غريب مسڪين ماڻهن کي به گهڻو ڏيندو، ته جيئن اهي سڪون جي زندگي گذاري سگهندا ھنن چيو ته غريب مسڪين ماڻهون عيد جي موقعي تي گهر ۾ ڪجھ نه هجڻ ڪري سخت پريشاني جو شڪار ٿين ٿا جن جي پريشاني گهٽائڻ ۽ انهن سان عيد جي خوشين ۾ گڏ ٿيڻ لاءِ اسان انهن ۾ راشن تقسيم ڪيو آهي ته جيئن اهي عيد جي ڏينهن پنهنجي گهر ۾ مليل راشن تحت عيد ڪري سگهن، جڏهن ته ايندڙ مسڪين ماڻهن، عورتن ۽ معصوم ٻارڙن دعائون ڪندي چيو ته سيد شبير علي شاھ هر سال عيد جي ھڪ ڏينھن پھريان اسان غريبن مسڪينن بي سهارن جي سار لھندي عيد راشن ڏئي خدمت ڪري ٿو جنهن جي ڪري اسان عيد ڪري سگهون ٿا، الله پاڪ کيس کي وڏي حياتي ڏيندو ته جيئن اهو اهڙي طرح اسان غريبن مسڪينن ۽ مستحقين جي مدد ڪندو ء اسان پنھنجي رب ڪريم کان دعا ٿا گھرون تہ اسان کي بہ ايترو ڏئي جو اسان پريشانين مان نڪري سگھون، انهي موقعي تي سماجي اڳواڻ سيد اون علي شاھ، سيد رضي عباس شاھ، لياقت علي سرھيو، سيد غفران شاھ، نوجوان صحافي وحيد رزاق مستوئي، وفا سرمد رضا ۽ ٻيا پڻ موجود هئا.