This is default featured slide 1 title
Go to Blogger edit html and find these sentences.Now replace these sentences with your own descriptions.
This is default featured slide 2 title
Go to Blogger edit html and find these sentences.Now replace these sentences with your own descriptions.
This is default featured slide 3 title
Go to Blogger edit html and find these sentences.Now replace these sentences with your own descriptions.
This is default featured slide 4 title
Go to Blogger edit html and find these sentences.Now replace these sentences with your own descriptions.
This is default featured slide 5 title
Go to Blogger edit html and find these sentences.Now replace these sentences with your own descriptions.
Sunday, June 30, 2019
Saturday, June 29, 2019
Friday, June 28, 2019
Thursday, June 27, 2019
Wednesday, June 26, 2019
Tuesday, June 25, 2019
Monday, June 24, 2019
Sunday, June 23, 2019
Saturday, June 22, 2019
Friday, June 21, 2019
Thursday, June 20, 2019
Wednesday, June 19, 2019
Tuesday, June 18, 2019
Monday, June 17, 2019
Saturday, June 15, 2019
Friday, June 14, 2019
Thursday, June 13, 2019
Wednesday, June 12, 2019
Tuesday, June 11, 2019
Monday, June 10, 2019
اسلام آباد هاءِ ڪورٽ آصف زرداري ۽ فريال ٽالپر جي ضمانت رد ڪري ڇڏي
اسلام آباد ( خابرو) اسلام آباد
هاءِ ڪورٽ، ڪوڙن بئنڪ اڪائونٽن وسيلي پئسا هيڏي هوڏي ڪرڻ واري ڪيس ۾ اڳوڻي صدر آصف
علي زرداري ۽ سندس ڀيڻ فريال ٽالپر جي ضمانت رد ڪري ڇڏي آهي. جسٽس عامر فاروق ۽
جسٽس محسن اختر ڪيانيءَ تي مشتمل بئنچ ڪوڙن بئنڪ اڪائونٽ ڪيس ۾ ضمانت مستقل ڪرڻ لاءِ
درخواستن جي شنوائي ڪري رهي هئي. شنوائي شروع ٿيڻ شرط نيب جي پراسيڪيوٽر جهانزيب
دليل ڏيندي موقف اختيار ڪيو ته بئنڪ ۾ پئسا هيڏي هوڏي ڪرڻ لاءِ 29 ڪوڙا اڪائونٽ
کوليا ويا ۽ انهن بابت دستاويزي ثبوت موجود آهن. جسٽس عامر سندس ڳالھ ڪٽيندي کيس
حڪم ڪيو ته هو هو مستقل ضمانٽ لاءِ ڏنل درخواستن بابت پنهنجا دليل ڏئي. جنهن تي
ڳالهائيندي پراسيڪيوٽر چيو ته ڪا غير معمولي صورتحال هجي ته ضمانت ڏئي سگهجي ٿي پر
زرداريءَ وٽ هن وقت اهڙي ڪا صورتحال ئي ناهي جو هنن کي ضمانت ڏئي سگهجي. پراسيڪيوٽر
جي دليلن کانپوءِ پي پي پي اڳواڻن جي وڪيل فاروق ايڇ نائيڪ پڻ پنهنجا دليل ڏنا.
پراسيڪيوٽر اڳواٽ ئي عدالت کي اهو چئي چڪو هو ته ڪوڙن ڪيسن ۾ زرداريءَ جي سڌي ملوث
هجڻ جا ثبوت، کيس گرفتار ڪرڻ لاءِ ڪافي آهن. نيب کي ثبوت هٿ آيا آهن ته هڪ ڪوڙي
اڪائونٽ مان زرداري گروپ آف ڪمپنيز جي اڪائونٽ ۾ ڏيڍ ارب روپيا. اڪائونٽ هولڊر چوي
ٿو ته کيس اها خبر ناهي ته ڪو اڪائونٽ سندس نالي تي آهي. پراسيڪيوٽر کان پڇا ڪئي وئي ته ڇا نيب وٽ ايترا
ثبوت آهن جو هو اينٽي مني لانڊرنگ ائڪٽ 2010ع تحت جانچ پڙتال ڪري سگهي؟ موٽ ۾
پراسيڪيوٽر وراڻيو ته قانون جي پورائي کانسواءِ به هو جانچ پڙتال ڪري سگهن ٿا. پي
پي اڳواڻن طرفان مجموعي طور 9 درخواستون ڏنيون ويون هيون. انهن مان آصف زرداري 7 ۽
فريال ٽالپر جون 2 درخواستون ڏنل هيون. ذريعن جو چوڻ آهي ته نيب پيپلز پرٽيءَ جي
اڳواڻن جي گرفتاريءَ لاءِ اڳواٽ ئي ٽيم جي جوڙ جڪ ڪري ڇڏي هئي.
Sunday, June 9, 2019
ميرواھ گورچاڻي لڳ خوفناڪ حادثو، 3 ماڻهون اجل جو شڪار
ميرواھ گورچاڻي(خابرو) ميرواھ گورچاڻي لڳ خوفناڪ حادثو، ڪار ۽ ٽرڪ ۾ ٽڪر سبب ڪنري واسي
دليپ مالهي، کيراج مالهي ۽ انڊيا مان آيل مهمان راجو مالهي فوت جڏهن ته ڪانو مالهي
۽ ڪنور مالهي شديد زخمي ٿي پيا آهن.
جمنا سامي سان زيادتي ڪندڙ وحشين کي سخت سزا ڏيارڻ لاء حيدرآباد پريس ڪلب اڳيان احتجاجي مظاھرو
حيدرآباد(خابرو)
عورت تحفظ مومينٽ ۽ حيدرآباد جي سول سوسائٽي طرفان جمنا سامي سان زيادتي ڪندڙ وحشين
کي سخت سزا ڏيارڻ لاء حيدرآباد پريس ڪلب اڳيان احتجاجي مظاھرو ڪيو ويو. جنھن ۾ صنم
چانڊيو ـ ايم پرڪاش، روشن برھماڻي ـ نازش فاطمـ، رابعا سمون ۽ ٻين شرڪت ڪئي ـ ھنن چيو
تـ سنڌ ۾ جنسي زيادتي جا واقعا تمام گھڻا وڌي ويا آھن ـ ڪا بـ نياڻي ڪو بـ معصوم ٻار
محفوظ ناھي ـ ان جو وڏو سبب ھي آھي تـ ملوث ڏوھاري منٿ ميڙ قافلا وٺي ـ جرڳا ڪرائي
متاثر خاندانن کي ڊيڄاري ڌمڪائي ٺاھ ڪريو ڇڏين ۽ ڏوھارين کي سزا نـ ٿي ملي ـ ھنن مطالبو
ڪيو تـ اھڙن وحشين کي سري عام ڦاسي تي لٽڪايو
وڃي.
انٽرميڊيئيٽ بورڊ ڪراچي سنڌي مضمون پڙهڻ نه ٿو ڏئي- ڊاڪٽر ڪمال ڄامڙو
نوٽ: مون هئ پوسٽ جنوري 2019 ۾به رکي هئي، اوھان تمام گهڻي شيئر
ڪئي ھئي جنهن لاءِ اوهان جي مهرباني. ناليواري صحافئ عاجز جمالي صاحب، سائين سردار
شاه صاحب کان ان مسئلي بابت سوال پڇيو هو، جنهنجي جواب ۾ شاه صاحب وراڻيو هو ته مان
پڇاڻو ڪريان ٿو.منهنجئ ڄاڻ موجب معاملو اتي جو اتي ئي آهي. جيڪڏهن ڪا اڳڀرائي ٿي آهي
ته تعليم کاتو يا بورڊ انتظاميا وضاحت ڪري.
محترم سائين سردار علي شاهه، تعليم جا وزير!
هڪ ڀيرو ٻيهر عرض
آهي ته؛ ٻولي ايڪٽ 1972ع موجب اُردو ڳالھائيندڙن کي آسان سنڌي مضمُون پڙهائڻ
جو مسئلو مُنجهيل ئي هو ته ڪراچيءَ جي انٽرميڊيئيٽ ايجوڪيشن بورڊ سنڌي شاگردن کان سنڌي
مضمُون پڙهڻ جو به حق کَسي ڇڏيو. سن ٢٠٠١ع ڌاري اهو فيصلو ڪيو ويو ته اهڙو ڪو به سنڌي
شاگرد انٽرميڊيئيٽ ۾ مادري ٻوليءَ وارو سنڌي مضمُون نه پڙهي سگهندو جنھن ميٽرڪ ۾ مادري
ٻوليءَ وارو سنڌي مضمُون نه پڙهيو هُوندو.
ڪراچيءَ جي ڪجهه اسڪُولن جھڙوڪ: اين جي ويءَ، گڏاپ ٽائون ۽ بن
قاسم ٽائون جي ٻن چئن هاءِ اسڪُولن کان سواءِ ڪِٿي به ميٽرڪ ۾ مادري ٻوليءَ وارو سنڌي
مضمُون (نارمل سنڌي) نه ٿو پڙهايو وڃي. ان جي جاءِ تي نائين درجي ۾ آسان سنڌي مضمون
پڙهايو وڃي ٿو. جڏهن مئٽرڪ ۾ هِتي ان مضمُون پڙهائڻ جو مُڪمل بندوبست ئي ناهي ته پوءِ
سنڌي شاگردن لاءِ اهو شرط غير قانُوني آهي.
ڪراچي بورڊ جو اهو فيصلو سنڌي ٻولي ايڪٽ 1972ع ۽ سنڌ اسيمبليءَ
جي مختلف ٺهرائن ۽ قانونن جي سڌي سنئين ڀڃڪڙي آهي. اِن فيصلي سان هر سال سوين
سنڌي شاگرد مُتاثر ٿي رهيا آهن.
جڏهن انٽر ۾ سنڌي مضمُون نه پڙهبو ته بي اي ۾ به نه پڙهي سگهبو.
قانُون مُطابق بي اي ۾ سنڌي مضمُون نه هُوندو ته ايم اي سنڌي، ايم فل ۽ پي ايڇ ڊي نه
ٿي ڪري سگهجي. نتيجي ۾ هوريان هوريان سنڌي ٻوليءَ جي تعليم ختم ٿي ويندي.
قانون مطابق سنڌي شاگرد انٽرميڊيئيٽ آرٽس ۾ يارهين ۽ ٻارهين
درجي ۾ اختياري سنڌي مضمُون کان سواءِ لازمي سنڌي مضمُون پڙهي سگهن ٿا.جڏهن ته سائنس
۽ ڪامرس ٻارهين درجي ۾ رُڳو لازمي سنڌي مضمُون پڙهي سگهن ٿا. انٽرميڊيئيٽ بورڊ ڪراچيءَ
کان سواءِ سنڌ جا سمُورا تعليمي بورڊ اِن اسڪيم تي عمل ڪري رهيا آهن.
سنڌ جي ٻين تعليمي بورڊن وانگر ڪراچي بورڊ ۾ به سنڌي شاگردن
کي سنڌي مضمون پڙهڻ وارو بنيادي حق حاصل هجڻ گهرجي.
آصف زرداري پاران، سريلي راڳي الهداد زرداري جو سرڪاري خرچ تي علاج ڪرائڻ جو حڪم
مورو) رپورٽ، وحيد مستوئي) اڳوڻي صدر آصف علي
زرداري سنڌ جي سريلي راڳي فنڪار الهداد زرداري
جو سرڪاري خرچ تي علاج ڪرائڻ جو حڪم ڏئي ڇڏيو آهي ۽ آصف علي زرداري پاران فنڪار الهداد زرداري جي علاج
ڪرائڻ لاءِ سندس انتهائي ويجهي ساٿي عاشق حسين زرداري کي فوڪل پرسن مقرر ڪري ڇڏيو.
خيرپور جي عابد ڪالونيءَ مان معصوم نينگر اغوا بعد قتل، محبت واھ وٽان لاش هٿ آيو
خيرپور(خابرو) ڪالھ رات خيرپور جي عابد ڪالونيءَ مان معصوم
نينگر محمد سبطين جي اغوا ٿيڻ بعد محبت واھ وٽان سندس لاش هٿ آيو آهي. سبطين جی بي
رحماڻي قتل جا جوبدار فوری گرفتار ڪري، کين قانون موجب سخت کان سخت سزا ڏنی وڃی۔ خیرپور
شھر ۾ خوف واری فضا پیدا ڪندڙ امن دشمن قوتن
جاارادا خاڪ ۾ ملائٹ لاءِ شھرین کي
پڻ ڪردار ادا ڪرڻ گهرجي۔ پوليس جو چوڻ آهي ته شھر ی واپاری پنھنجی گھرن ۽ دوڪانن تی
ڪئميرائون نصب ڪرائن۔ تہ جیئن امن دشمن قوتن جی خاتمی لاء پنھنجو ڪردار ادا ڪری سگھجی۔
Saturday, June 8, 2019
ٽنڊوآدم لڳ روڊ حادثي ۾ زخمي ٿيل پيءُ پٽ سميت 3 ماڻهون فوت
ٽنڊوآدم ( رپورٽ سليمان ساند
) ٽنڊوآدم لڳ روڊ حادثي ۾ زخمي ٿيل پيءُ پٽ سميت 3 ماڻهون فوت، لاش گهر پهچڻ تي قهرام
رپورٽ موجب گذريل ڏينهن ٽنڊوآدم جهول روڊ تي ڊاٽسن ۽ ٽن موٽر سائيڪلن جي ٽڪر جي نتيجي
۾ زخمي ٿيل 12 ڄڻن مان ٽنڊوآدم جي ميمڻ پاڙي جو 30 ورهين جو پورهيت جميل انصاري سندس 6 ورهين جو پٽ اعظم انصاري سميت ڳوٺ قيصر گهوٽ
جو رهواسي 8 ورهين جو ٻارڙو رحيم بخش پٽ حسين بخش زخمن جي سٽ نه سهندي حيدراباد اسپتال
۾ فوت ٿي ويا جن جا مڙهه ٽنڊوآدم ۽ ڳوٺ قيصر گهوٽ آندا ويا پيءُ پٽ ۽ ٻارڙي جا لاش گهر پهچڻ تي قهرام مچي ويو واضح
رهي ته گذريل ڏينهن ٿيل حادثي ۾ 12 زخمين ۾
فوتي جميل انصاري جي گهر واري شبانه انصاري، ۽ فوتي ٻارڙي رحيم بخش گورچاڻي
جي والد سميت 2 ڀائر پڻ زخمي ٿيا هئا جن کي پڻ اسپتال داخل ڪيو ويو آهي
جهڏو ڀرسان ڪار جي ٽڪر ۾ زخمي ٿيل همراھ حيدرآباد نيئندي فوت
جهڏو(خابرو) جهڏو ڀرسان ڏيوري
اسٽاپ وٽ ڪنري کان جهڏو ايندڙ تيز رفتار ڪار روڊ ڀرسان بيٺل همراھ کي ٽڪر هڻي سخت زخمي
ڪري ڇڏيو جڏهن ته حادثي سبب ڪار پڻ ڪلٽي ٿي وئي، حادثي جي نتيجي ۾ ڪار سوار ٻه عورتون
انور بي بي، فرحانا پرويز، زخمي ٿي ويون ٽنهي زخمين کي صحت مرڪز جهڏو آندو ويو جتي ابتدائي طبعي امداد بعد علي ڏنو ولد لقمان علي
جروار کي ڳڻتي جوڳي حالت ۾ ڊاڪٽرن حيدرآباد
ريفر ڪيو هو. وارث زخمي کي حيدرآباد وٺي وڃي رهيا هئا ته ڊگهڙي ويجهو رستي ۾ فوت ٿي ويو ٻي پاسي جهڏو پوليس ڪار تحويل ۾ وٺي
ڪار ڊرائيور نظير آرائين کي شخصي ضمانت تي آزاد ڪري ڇڏيو آهي.
شرافي ڳوٺ مومن آباد نمبر ھڪ مان ٻن سالن جي ٻارڙي جو لاش مليو
ملير (رپورٽ درياخان شر) شرافي
ڳوٺ مومن آباد نمبر ھڪ مان ٻن سالن جي ٻارڙي
جي لاش ملڻ جو معاملو. پولیس موقعي واري جڳھ تي موجود، لاش جو پوسٽ مارٽم ڪرڻ لاء اسپتال
منتقل ڪري ڇڏيو. ٻارڙي کي تشویشناڪ حالت ۾ والد جي سوٽ جي گھر ۾ موجود ڊرم مان ھٿ ڪيو
ويو.ٻارڙي اسپتال منتقل ڪرڻ دوران فوت ٿي وئي.ٻارڙي جي سڃائڻپ عروہ ولد رحیم اللہ
جي نالي سان ٿي آھي. پولیس ٻارڙي جي والد رحیم
اللہ جي سوٽ شمس الرحمن کي حراست وٺي ڇڏيو.پولیس واقعي جي ھر پھلو سان تحقیقات ڪري
رھي آھي
مورو ڀرسان ڳوٺ تي پوليس چڙهائي، عورتن، ٻارڙن تي تشدد، سونا زيور، ٻڪريون، قيمتي سامان ڦرڻ خلاف احتجاج
مورو(رپورٽ وحيد رزاق مستوئي)
مورو ڀرسان ڳوٺ عطاء اللہ ڪورائي ۾ ضلعي نوشھروفيروز ۽ سي آءِ اي پوليس جي وڏن اٽالن
پاران چڙھائي ڪري گھر ۾ ڀنڃ ڊاھ ء عورتن، معصوم
ٻارڙن تي تشدد ڪرڻ، گھر مان روڪ رقم، مال متاءُ ڪاھڻ واري عمل خلاف ڳوٺاڻن عورتن ء
معصوم ٻارڙن سان گڏجي احتجاجي مظاھرو ڪيو ويو. جنھن جي اڳواڻي امان اللہ، بشير، مظھر،
عبداللہ، الھورايو، مسمات سڪينہ، مسمات صغران ء ٻين ڪئي ان موقعي تي ڳوٺاڻن چيو تہ
رات دير سان 12 کان مٿي پوليس موبائل سان گڏ وڏن پوليس اٽالن سان گھر م ڌاڙيلن جيان
داخل ٿي اسان مٿان لٺين لتن مُڪن جو وسڪارو ڪري ڏنو ء گھر م ڀنڃ ڊاھ ڪري گھر م پيل
ٽي تولا سونا زيور، روڪ رقم، 60 کان مٿي ٻڪريون، 10 مينھون، 70 مڻ ڪڻڪ، ٻہ سولر پليٽون
ء ٻيو قيمتي سامان کڻي ويا آھن ء ڪجھ ڏينھن اڳ اعتڪاف م ويٺل منظور ڪورائي کي بنا جواز
کنڀي کڻي وڃي گم ڪري ڇڏيو آھي جنھن جو ھن وقت تائين ڪو ڏس پتو نہ پئجي سگھيو آھي ھنن
چيو تہ جيڪڏھن کنڀي گم ڪيل منظور ڪورائي ء اسان مٿان ڪو ثبوت يا ڪيس آھي تہ ان کي ظاھر
ڪيو وڃي ھنن چيو تہ پوليس اسان جي مخالفن کان پئسا وٺي اسان جي گھرن تي چڙھايون ڪري
رھي آھي ء اسان جي مٿان ھن وقت تائين ڪو بہ ڪيس داخل ناھي پر ھي پئسا حاصل ڪرڻ ء سياسي
انتقام ورتو پيو وڃي ان ڪري اسان سپريم ڪورٽ جي چيف جسٽس آف پاڪستان، جسٽس آف سنڌ ھاءِ
ڪورٽ، سيشن جج نوشھروفيروز، آءِ جي سنڌ، ڊي آءِ جي شھيد بينظير آباد، ايس ايس پي نوشھروفيروز،
ڊي ايس پي مورو ء ٻين وس وارن کي اپيل ٿا ڪريون تہ اسان جي ڳوٺ ء گھرن تي بنا جواز
چڙھائي ڪري عورتن معصوم ٻارڙن تي تشدد ڪري گھر مان مال متاءُ سامان کڻي ويندڙ پوليس
آفيسر ء پوليس اھلڪارن خلاف قانوني ڪارروائي ڪري تحفظ فراھم ڪيو وڃي ٻي صورت م سخت
احتجاج ڪيو ويندو.
قائدآباد پوليس هٿان 7 ڪلو چرس سوڌو پيءُ پٽ گرفتار
ملير( رپورٽ درياخان شر) قائدآباد
پوليس جي وڏي ڪاميابي بین الصوبائي ڊرگ ڊیلر پيءُ پٽ گرفتار ڪري ورتو. پولیس اسپتال
چورنگي ويجھو ڳجھي اطلاع تي ڪامیاب آپریشن
ڪري جوابدارن کي منشیات سمیت گرفتار ڪيو. پولیس جوابدارن مان ست ڪلو کان وڌيڪ فائن
ڪوالٽي جي چرس ۽ روڪ رقم به ھٿ ڪئي. مرڪزي جوابدار حبیب الرحمن عرف چاچا ۽ عبدالخالق
جي خلاف ملير جي مختلف ٿاڻڻ تي ڪيس داخل آھن. گرفتار جوابدار پنهنجي نیٽ ورڪ جي ذریعي ٻئي صوبي مان منشیات خريد ڪري
ڪراچي جي مختلف حصن ۾ سپلائي ڪندا ھئا. پولیس جوابدارن جي خلاف ڪيس داخل ڪري جاچ شروع ڪري ڇڏي آھي
جمنا جي جوابدارن کي ڦاهي چاڙهيو، اسلام ڪوت جي متحرڪ سماجي ڪارڪنن جو مطالبو
اسلام ڪوٽ (رپورٽ: رزاق بجير)
اسلام ڪوٽ ۾ سوشل ايڪٽو نوجوانن جمنا سامي ڪيس جي جوابدارن کي ڦاسي ڏيڻ جو مطالبو ڪري
ڇڏيو. جلد جوابدارن خلاف ڪيس عدالت ۾ ھلائي انھن کي ڦاسي ڏني وڃي خبر موجب سوشل ايڪٽو
وريام لنجو، سورج جئپال، لڇمڻ پڌواڻي، منيش مينگھواڙ، آتم، صدام بجير ۽ ٻين پريس ڪلب
اسلام ڪوٽ اڳيان احتجاج ڪندي چيو ته وحشي صفت جوابدارن کي ڦاسي ڏني وڃي. سنڌ ۾ ھر آئي
ڏينھن اقليتي نياڻين سان ظلم بند ٿيڻ کپي ٽنڊو محمد خان واسي جمنا سامي ڪيس جي جوابدارن
کي ڦاسي ڏني وڃي ته جيئن ٻيو ڪو اهڙو واقعو نه ٿي سگهي.
تلهار لڳ حادثو، 3 ماڻهون زخمي، ٻن جون پاسراٽيون ٽٽي پوڻ جو خدشو
تلھار (رپورٽ عاجز انور لاشاري) تلھار لڳ دلواڻي موڙ
تي تيز رفتار مسافر وين چنگچي رڪشا کي چيپاٽي ڇڏيو. رڪشا ۾ سوار الله وارث ولد علي
گل لاشاري اڪرم ولد خان محمد لاشاري قاسم ولد حاجي خان لاشاري شديد زخمي ٿي پيا جن
کي طبي امداد لا۽ رورل ھيلٿ سينٽر تلھار آندو ويو تفصيل موجب تلھار ۾ دلواڻي موڙ حادثن
جو ڳڙھ بڻيل رڪشا ۾ سوار مسافر ڳوٺ حاجي خان لاشاري جا رھواسي مزدوري لا۽ بابا رائيس
ملز وڃي رھيا ھئا ته دلواڻي موڙ تي تيز رفتار حيدرآباد کان بدين ويندڙ مسافر وين رڪشا
مٿان چڙھي وئي. جنھن جي نتيجي ۾ رڪشا ۾ سوار ٽي ڄڻا الله وارث,اڪرم ۽ قاسم لاشاري شديد
زخمي ٿي پيا زخمين ۾ ٻن ڄڻن مٿان وين جي چڙھڻ سان پاسراثيون ٽٽڻ جو خدشوٻڌايو پيو وڃي
جيڪي ڳڻتي جوڳي حالت ۾ بدين اسپتال ڏانھن ريفر ڪيا ويا آھن جڏھن ته ھڪ ڄڻو الله وارث
رورل ھيلٿ سينٽر تلھار ۾ زير علاج آھي ھوڏانھن مسافر وين جو ڊرائيور واقعي واري ھنڌ
تان فرار ٿيڻ ۾ ڪامياب ٿي ويو آھي جڏھن ته تلھار پوليس رورل ھيلٿ سينٽر پھچي زخمين کان ڪو به بيان نه ورتو آھي نه ئي مسافر
وين کي تحويل ۾ وٺڻ لا۽ واقعي واري ھنڌ پوليس پھچي ڪا ڪاروائي ڪئي
مئل سماج ۾ جمنا جا 2 جوابدار گرفتار، جاچ پڙتال شروع
ٽنڊو محمد خان (خابرو) ٽنڊو محمد خان جي
جمنا کي ڪچو شراب پياري ساڻس اجتماعي ڏاڍائي ڪئي ويئي. ويڊيو وائرل ٿيڻ ۽ ڪجھ
سماجي سياسي اڳواڻن جي تحرڪ کانپوءِ نه صرف 13 ورهين جي جمنا جو ميڊيڪل چيڪ اپ
ڪرايو ويو پر جمنا جي والد جي فرياد تي اهڙو ڪيس پڻ داخل ڪرايو ويو. ٽنڊو محمد خان
ٿاڻي تي ڪيس داخل ٿيڻ کانپوءِ پوليس ٻن جوابدارن 1. روشن الھ جڙيو شيخ ويٺل شوڪت
ڪالوني ٽنڊو محمد خان، 2. رجب گل محمد شيخ ويٺل شوڪت ڪالوني ٽنڊو محمد خان کي
گرفتار ڪري ورتو آهي. جمنا جي ميڊيڪل چڪاس لاءِ پهرين ٽنڊو محمد خان، بعد ۾ سول
اسپتال حيدرآباد ۽ وري کيس ٽنڊو محمد خان منتقل ڪرڻ جا اطلاع گردش ڪندا رهيا آهن.
سياسي اڳواڻ اياز لطيف پليجو، جمنا سان ٿيندڙ وارتائن جو سخت نوٽيس وٺندي عملي طور
کيس انصاف ڏيارڻ لاءِ ڪوشان ڏسجي رهيو آهي. گرفتارين بعد پوليس ذريعن جو چوڻ آهي
ته هاڻ عمدارن جاچ شروع ڪري ڇڏي آهي.
Friday, June 7, 2019
لاهور ۽ لاڙڪاڻو: اعجاز منگي
گذريل هڪ هفتي کان وٺي لاهور جو مهمان آهيان. چهچ سائو ۽ سڌو
سنواٽو شهر لاهور! ڪوسي ڪوهه مريءَ جهڙو شهر! جنهن جي وچ مان هڪ ننڍڙي ندي گذري ٿي.
ان نديءَ جي ٻنهي ڪنارن تي ناريل جي وڻن جهڙا لمبا درخت آهن. انهن درختن تي صبح کان
شام تائين پکي ٻولين ٿا.انهن پراڻن وڻن جي ڇانوَ ۾ نيون ڪارون ترڪنديون رهن ٿيون. انهن
ڪارن ويٺل آهن، رٽائرڊ فوجي آفيسر، انهن جا چلڪندڙ ۽ چمڪندڙ خاندان ۽ شوفر ڊرائيو
۾ سفر ڪندڙ حاظر سروس ڪامورا، وڏا واپاري، بکيا بلڊر ۽ انهن ننڍڙن چوڌرين جا پوٽا ڏوهٽا،
جن جون زرعي زمينون هائوسنگ اسڪيمن ۾ اچي ويون آهن.
لش پش دڪانن سان لهڪندڙ ۽ وڏن شاپنگ مالز سان مهڪندڙ هڪ ڪوڙو
۽ ڪپتي شهر لاهور!
ڪير ٿو چوي ته پوري پنجاب جي بجيٽ هن شهر مٿان خرچ ٿي آهي؟ هن
شهر کي ته ڏسي ٿو لڳي پورو پاڪستان اجاڙي هن شهر کي اڏيو ويو آهي. هي شهر جنهن ۾ انسان
آزاد آهن. هڪ مولوي سونهاريءَ کي آڱرين سان سهلائيندو ۽ هن جي نقاب پوش گهرواري تسبيح
جي داڻن سان ڦيريندي ۽ هن جي پاڙيسريءَ جي پٽ گٽار تي گارين ڀريو ريپ ڳائيندي ۽ هن
جي گرل فرينڊ اها جينز پائيندي آزاد آهن، جيڪي چمڙيءَ تي چنبڙيل هوندي آهي. پر ڪوئي
ان نينگريءَ کي اکين سان ريپ نه ٿو ڪري.
انهن ويڪرن رستن وارو شهر جنهن جي ڪنارن تي ڪيترن ئي ڪينالن
وارا بنگلا ۽ انهن مان ايندڙ ڪرپشن جي بدبوءِ! اهي پيٽ ڦاڙيندڙ فوڊ اسٽريٽون ۽ انگريزي
گاڏڙ پنجابيءَ جا نوان لفظ ۽ نوان لهجا! اها دولت جي اڇل ڪود ۽ اها مست مگن زندگي!
ڪتاب گهرن ۾ماڻهن جا ميڙ ۽ عالمي سطح جي دانشورن جون اداڪارن جهڙن اينڪرن سان فائيو
اسٽار هوٽلن ۾ ملاقاتون!
ڪجهه وينزويلا تي ويچار، ڪجهه ڪاسترو کان پوءِ ڪيوبا جا احوال،
ڪجهه ايران تي خيال آرائي ۽ ڪجهه انڊيا جي اليڪشن تي تبصرا!
لاهور مستيءَ ۾ آ. اها مستي جيڪا بنا پيئڻ جي صرف پئسي سان ايندي
آ، جيڪا آئين کي اڇلائيندڙ طاقت سان ايندي آهي. اها مستي جيڪا ورديءَ جي رنگ مان ايندي
آهي. اها مستي جيڪا در کڙڪائيندڙ دولت جي دستڪ مان ايندي آهي.
اها مستي، اها مدهوشي ۽ اها بي فڪري، بي پرواهي ان شهر ۾ ڪٿي،
جنهن جو نالو لاڙڪاڻو آهي.
پيپلز پارٽيءَ جي ڦاٽل پرچم جهڙو شهر لاڙڪاڻو!
شهيدن جي ٺهندڙ مزارن ۽ غريبن جي ڊهندڙ گهرن وارو شهر لاڙڪاڻو
لاڙڪاڻو جنهن جي غيرت کي غربت سربازار نيلام ڪيو آهي.
لاڙڪاڻو جنهن ۾ هڪ صحافي صرف ايزي لوڊ تي پنهنجو ايمان وڪڻي
ٿو!
لاڙڪاڻو جنهن ۾ هڪ ٻار صرف غربت سبب ايڊز جو مريض بڻجي وڃي ٿو!
لاڙڪاڻو جنهن ۾ هڪ ماءُ پئسو نه هجڻ سبب پنهنجي ننڍڙي ۽ بيمار
نياڻيءَ کي ڊاڪٽر بدران پير جي مزار تي وٺي وڃي ٿي!
لاڙڪاڻو اداس انسانن جو ڀڳل ڀريل شهر!
تون چاهين ٿو ته مان لاهور ۽ لاڙڪاڻي جي ڀيٽ ڪريان؟
هڪ فاتح شهر ۽ هڪ مفتوح شهر جي ڀيٽ ڪريان؟
مان ڀيٽ ڪريان، هڪ چالاڪ شهر ۽ هڪ چري شهر جي وچ ۾!
لاهور هڪ چالاڪ شهر آهي
جيڪو اڄ به نعرا نه ٿو هڻي نه نواز شريف جا ۽ نه تحريڪ انصاف
جا!
لاڙڪاڻو سياڻو هجي ها ته زرداريءَ جي زندان ۾ قيد نه هجي ها
لاڙڪاڻو سياڻو هجي ها ته هڪ ئي نعرو هڻي ها:
”گو زرداري گو
گو.............!!“
سر بچائڻ لاء ڪونج ملوکاڻي ۽ محرم ملوکاڻي جو مائٽن سان گڏ سانگهڙ پريس ڪلب اڳيان مظاهرو
سانگهڙ(خابرو) جهول ٿاڻي جي حد ڳوٺ غازي ملوکاڻي جا رهواسي ڪونج ملوکاڻي محرم ملوکاڻي پنهجي عزيزن مٽن مائٽن
سان گڏجي سانگهڙ پريس ڪلب آڏو احتجاجي مظاهرو ڪيو. هنن احتجاج ڪندي چيو ته پنج مهينا
اڳ ڪراچي ڪورٽ ۾ پيار جو پرڻو ڪيو انهي بعد
سانگھڙ ڪورٽ ۾ پروٽيڪشن ورتي، پر گذريل رات پيار جي ويرين غلام قادر ملوکاڻي، حبدار
ملوکاڻي، خان ملوکاڻي، راحب ملوکاڻي محمد بخش ملوکاڻي ۽ ٻين اسان جي ڳوٺ مٿان اسان
کي مارڻ لاء حملو ڪيو ۽ فائرنگ ڪئي. انهي بعد جهول پوليس موقعي تي پهتي ته هٿياربند
فرار ٿي ويا. هنن چيو ته اسان کي جان جو خطرو آهي اسان کي تحفظ فراهم ڪيو وڃي هنن آء
جي سنڌ، ڊي آء جي شهيد بينظير آباد، ايس ايس
پي سانگهڙ ۽ ٻين کان مطالبو ڪيو ته اسان کي تحفظ فراهم ڪري جوابدارن کي فوري گرفتار
ڪيو وڃي.
نئون ڪوٽ مٺي روڊ تي ڳوٺ نواب اوٺو وٽ ملنگ شديد گرميءَ سبب فوت، سڃاڻپ نه ٿي
نئون ڪوٽ (خابرو) وڄوٽو پوليس جي حد نئون ڪوٽ مٺي روڊ تي ڳوٺ
نواب اوٺو وٽ نامعلوم ملنگ جو شديد گرمي ۽ اس سبب فوت ٿيل لاش هٿ آيو آهي. ڳوٺاڻن لاش
ڏسي وڄوٽو پوليس کي اطلاع ڏنو. پوليس واقعي واري هنڌ پهچي لاش تحويل ۾وٺي سڃاڻپ ڪرڻ
لاءِ ٿاڻي تي کڻائي آئي. پوليس آس پاس جي ڳوٺن جي ماڻهن کي فوتي ملنگ جي لاش جي سڃاڻپ
ڪرائي مگر فوتي ملنگ جي سڃاڻپ نه ٿي سگهي ان سلسلي ۾پوليس جو چوڻ آهي ته ملنگ ڪافي
ٽائيم کان هن روڊ تي هلندي ڏٺو ويو هو. اڄ شديد گرميءَ ۽ اس سبب روڊ تان ايندي ملنگ
بيهوش ٿي پيو هوندو. ملنگ جي ڀرسان هڪ پاڻي جي بوتل هٿ آئي آهي باقي ڪٿي به ڪو نشان
نه ٿيل آهي فوتي مسلمان لڳي رهيو آهي ضروري ڪارروائي بعد اسان ڪفن دفن جنازي نماز ڪرائي
اوليا لالو فقير ۾ دفن ڪيو آهي
جيڪب آباد ڀرسان سڱاوتي تڪرار تان جهيڙي سبب 3 ورهين جو معصوم ٻار گولين جو بک بڻجي ويو
جيڪبآباد(خابرو) جيڪب آباد ڀرسان جکراڻي برادري جي ٻن ڌُرين
۾ سڱاوتي تڪرار تان جهيڙي معصوم ٻار جي حياتي ڳڙڪائي ڇڏي. مولا داد ٿاڻي جي حد ۾ ڳوٺ
بخش علي جکراڻي ۾ (گلواڻي) جکراڻي برادري جي جاويد گلواڻي ۽ سهراب گلواڻي جکراڻي جي
ٻن ڌُرين ۾ سڱاوتي تڪرار تان جهيڙو ٿيو، جنهن دوران ڌُرين هڪٻئي تي هٿيارن جا منهن
کولي ڇڏيا. پُراڻي سڱاوتي تڪرار تان ٿيل جهيڙي ۾ گولي لڳڻ ڪري 3 سالن جو معصوم ٻار
شامر علي ولد ولي محمد گلواڻي جکراڻي مارجي ويو. ٻالڪ جي حياتي کسڻ بعد ڌُرين جا هٿيار
خاموش ٿيا ۽ جوابدار فرار ٿي ويا. پوليس جهيڙي دوران نه پهتي پر ٻالڪ جي حياتي کسجڻ
واري ڄاڻ ملڻ کانپوءِ پهچي وئي ۽ لاش تحويل ۾ وٺي سول اسپتال منتقل ڪيو، جتان پوسٽ
مارٽم بعد لاش وارثن حوالي ڪيو ويو. پوليس جو چوڻ آهي ته جوابدار ڌُر گهر خالي ڪري
فرار ٿي وئي آهي.
مورو ۾ ڊاڪٽر خان محمد پنھور جي 20 هين ورسي، سگا طرفان ملهائي وئي
مورو (رپورٽ، اختر لغاري) مورو ۾ سنڌ گريجوئيٽس ايسوسيئيشن پاران
سنڌ جي نامياري سماج سڌارڪ صحافتي شعبي جي استاد ڊاڪٽر خان محمد پنھور جي 20 هين ورسي
جي تقريب راشد مورائي گورنمينٽ ھاءِ اسڪول مورو ٽائون ڪئمپس ۾ نالي واري سماجي ۽ قومپرست
شخصيت سڪندر زمان ميمڻ جي صدارت ۾ ٿي گذري. جنھن ۾ اديبن شاعرن ليکڪن صحافين سياسي
سماجي علمي ادبي تنظيمن جي اڳواڻن ڪارڪنن شھرين ۽ سگا جي عھديدارن ميمبرن وڏي تعداد
۾ شرڪت ڪئي ان موقعي تي سڪندر زمان ميمڻ امداد علي بلوچ علي گل ڪلهوڙو، رسول بخش ٻگھيو گچيرائي ، ادريس جتوئي صوفي غلام مصطفيٰ ڪانڌڙو ، عظيم سنڌي ڪامريڊ هاشم
کوسو ، اسلم عباسي ، وزير فرھاد سولنگي ، محمد
رفيق سرھيو ، پروفيسر بخش علي چانڊيو ، پروفيسر شمشاد احمد سومرو ، يونس راھو ، حاڪم
علي اوٺو ، ڊاڪٽر ممتاز علي ميمڻ ۽ ٻين خطاب ڪندي چيو ته ڊاڪٽر خان محمد پنھور ھڪ
شخص نه پر ادارو ھو جنھن سنڌ ۽ سنڌ جي ماڻھن جي جھر جنگ وڃي خدمت جو تاريخي مثال قائم
ڪيو ھو سماجي خدمت ۾ مشھور آھي ماڻھن جي زندگين کي سنوارڻ لاءِ پنھنجي زندگي وقف ڪري
ڇڏي ھئي سنڌ مھان شخصيتن سان ڀري پئي آھي جن پنھنجي زندگي ۾ انسانيت جي ڀلائي بھتري
لاءِ پاڻ پتوڙيو انھن ۾ خان محمد پنھور پڻ شامل آھي ھنن چيو ته خان محمد پنھور سنڌ
جي ترقي تعمير سونھن سڌاري بھتري ۽ تعليم لاءِ وڏيون خدمتون سر انجام ڏنيون جيڪي تاريخ
جو ھڪ حصو بڻيل آھن ھن سنڌ جي ٻھراڙين جھر جنگ جبلن ۽ ڏوراھن علائقن ۾ وڃي تعليمي ادارا
قائم ڪرايا ۽ غريبن مسڪينن مزدورن ھارين ماروئڙن ۽ جھانگيئڙن جي ٻارڙن کي تعليم جي
زيور سان نوازڻ لاءِ پنھنجو اھم ڪردار ادا
ڪيو ۽ علم ذريعي اونداھي سماج کي روشناس ڪرايو اڄ اھي غريبن مسڪينن جا ٻار اعليٰ مقام
۽ اعليٰ عھدن تي آھن ھن علم ادب ۽ سماج جي سڌارڪ لاءِ پڻ لازوال جدوجھد ڪئي ادبي دنيا
۾ ڪيتريون ئي ادبي تنظيمون جيڪي ٻارڙن جي ادب کان وٺي وڏن شاعرن ۽ ادبين لاءِ ادبي
تنظيمون ٺاھي انھن کي ھڪ پليٽ فارم تي گڏ ڪيو ۽
ڪراچي ۾ سنڌي ماڻھن کي متحد ڪرڻ جوڙڻ انھن جي ھر طرح جي مدد ڪرڻ انھن کي آباد
ڪرڻ پڻ ھن جون خدمتون سر فھرست آھن ھي مھان انسان پيرين پنڌ هلي سنڌ ۽ سنڌ جي ماڻھن
۽ غريب ماڻھن کي اعليٰ عھدن تائين پھچائڻ تي ڪا به ڪثر نه گھٽائي ھو اتساھ ڏيندڙ ھو سنڌ ۽ موري لاءِ ھن جون وڏيون خدمتون ۽ قربانيون
آھن زندگي جو ڳچ حصو ھن مورو ۾ گذاريو ۽ مورو جي ادب علم ۾ نواڻ آندي اڄ به خان محمد
پنھور ماڻھن جي دلين ۾ زنده آھي ھن جھڙيون شخصيتون ڪڏھن به ناھن مرڻيون ھميشه زنده
آھن ۽ رھنديون ھو غريب طبقي مان پنھنجي محنت سچائي ايمانداري سان زندگي گذاري اھم عھدن
تي پھتو پر ھن جي سنڌ ۽ سنڌ جي ماڻھن جي خدمت واري جذبي کي اڳيان رکي سڄي زندگي انسانيت
جي خدمت لاءِ جدوجھد ڪندي گذاري ڇڏي ھنن چيو ته ھو صحافت جي دنيا جو چمڪندڙ ستارو ھو
جنھن صحافت جي دنيا ۾ حق سچ لکي پنھنجو نالو روشن ڪيو صحافت جي دنيا ۾ وڏي تعداد ۾
نوجوانن کي راغب ڪرايو مظلوم بي پھچ ماڻھن سان ٿيندڙ ظلم ۽ ڏاڍ تي پنھنجي قلم جي نوڪ
سان آواز بلند ڪيو ھن جي 20 هين ورسي آھي سندس کي خراج تحسين پيش ڪيون ٿا ۽ زندگي ۾ ڪيل خدمتن تي کين سلام پيش
ڪيون ٿا ھن تقريب ۾ مورو پريس ڪلب جي جنرل
سيڪريٽري اختر لغاري مشتاق باگاڻي راڻو اياز
علي ميمڻ ، مخدوم اظھار ، حاجي نثار احمد ميمڻ ، خالد ساحل ڪيريو ، قربان علي کوسو
، پروفيسر حق نواز ميمڻ ، محمد عرس خاصخيلي ، ڊاڪٽر وجھ الدين ميمڻ ، حسين بخش ميمڻ
، فھد رضا ميمڻ ، غلام حيدر مھجور سولنگي دين محمد ڪلهوڙو ، ، ظفر الحق پنھور ، اياز علي سولنگي ، شاھنواز ڀٽي ، غلام نبي بھراڻي ، زاھد ڏيپر ۽ ٻين
شرڪت ڪئي اسٽيج سيڪريٽري جا فرائض وزير فرهاد سولنگي سر انجام ڏنا
Posts
Hello, my name is Jack Sparrow. I'm a 50 year old self-employed Pirate from the Caribbean.