تلهار ٿاڻي تي چوريءَ جي فرياد لکائڻ لاءِ پهتل ڊرائيور پليس جي داٻي سبب فوت، ڪيس داخل نه ٿيو

تلھار (رپورٽ عاجز انور لاشاري) روھڙي مان بدين ايندڙ يونيليور ڪمپني جي سامان سان ڀريل مزدا مان مبينا چوري جو فرياد مزدا ڊرائيور غلام مصطفي ملاح تلھار ٿاڻي تي لکرائڻ لاءِ پھتو ته وڏو منشي مصور ڇلگري ڊيوٽي آفيسر اي ايس آئي ممتاز کوسو ۽ ھڪ جمعدار فريادي ڊرائيور کي چور چئي لاڪپ ڪرڻ جون ڌمڪيون ڏنيون دڙڪن داٻن سبب صدمي ۾ ڊرائيور غلام مصطفي ملاح دل جو دورو پوڻ سبب تلھار ٿاڻي ۾ ئي فوت ٿي ويو. اسين ڊرائيور سان گڏ تلھار ٿاڻي تي فرياد لکرائڻ لاءِ پھتاسين ته وڏي منشي مصور ڇلگري ۽ اي ايس آئي ممتاز کوسو گارگند ڪرڻ لڳا لاڪپ ڪرڻ جون ڌمڪيون ڏنيون صدمي ۾ ڊرائيور فوت ٿي ويو يونيليور ڪمپني جي سپروائيزر رياض ملک ويئر ھائوس انچارج غلام جعفر مڱريو جون عوامي پريس ڪلب تلھار جي صحافين کي دانھون تفصيل موجب گذريل ڏينھن سامان سان ڀريل مزدا مان مبينا سامان چوري ٿي ويو فرياد لکرائڻ لا۽ ويل فريادي تلھار ٿاڻي پھتا جتي فرياد نه لکيو ويو ابتو فريادين کي لاڪپ ڪرڻ جون ڌمڪيون ڏنيون غلام جعفر مڱريو صحافين سان ڳالھائيندي چيو ته تلھار ٿاڻي ۾ وڏو منشي مصور ڇلگري ۽ اي ايس آئي ممتاز کوسو اسان فريادين کي دڙڪا ڌاٻا ڏنا فرياد نه لکيو ٻيڻو اسان کي چور چئي ٿاڻي ۾ موجود پوليس اھلڪارن کي حڪم ڪيو ته ھنن کي لاڪپ ڪيو پوليس گردي جي نتيجي ۾ ڊرائيور غلام مصطفي ملاح تلھار ٿاڻي ۾ فوت ٿي ويو جتان کان لاش کڻائي رورل ھيلٿ سينٽر تلھار پھتا آھيون اسان جي چوري جو فرياد نه لکيو ويو ٻيڻو اسان جي ڊرائيور کي حراسمنيث ڪري ماريو ويو آھي ھوڏانھن ايس ايڇ او تلھار رورل ھيلٿ سينثر پھچي متاثر ڪمپني آفيسرن سان ڳالھه ٻول ڪئي ملوث پوليس اھلڪارن خلاف ڪيس درج ڪرائڻ جي خاطري پڻ ڏياريندي چيو ته جنھن گناھ ڪيو آھي ان کي سزا لازمن ملندي ھوڏانھن ڪجھه دير بعد ساڳي ڪمپني جي آفيسرن پوليس خلاف ڏنل بيان کي بدلي ڪري نئين بيان ۾ چيو آھي ته ھن وقت اسان چوري جو ڪيس درج ڪرايون پيا سڀاڻي ايس ايس پي بدين سان ملاقات ڪري غلام مصطفي ملاح جي قتل ۾ ملوث جوابدار پوليس آفيسرن خلاف ڪيس درج ڪرائينداسين ياد رھي ته تاريخ 1 جون تي روھڙي مان بدين ايند يونيليور ڪمپني جي سامان سان ڀريل مزدا مان تلھار ۽ پيرولاشاري جي وچ ۾ ھڪ سئو ڏھ ڪارٽون جي چوري ٿيڻ جو فرياد گذريل رات ڊرائيور غلام مصطفي ملاح سپروائيزر رياض ملک ۽ وئير ھائوس انچارج غلام جعفر مڱريو فرياد لکرائڻ لا۽ تلھار ٿاڻي تي پھتا جتي وڏي منشي مصور ڇلگري ۽ اي ايس آئي ممتاز کوسو فرياد لکڻ کان انڪار ڪري ابتو لاڪپ ڪرڻ جو حڪم ڪيو ھو، جنھن جي صدمي ۾ ڊرائيور فوت ٿي ويو ھو سپروائيزر ۽ وئير ھائوس انچارج پوليس خلاف سراپا احتجاج ھئا جڏھن ته چوري جو ڪيس ڊرائيور جي فوت ٿيڻ بعد تلھار ٿاڻي ۾ داخل ڪيو ويو آھي پر رات دير تائين غلام مصطفي جي موت يا قتل واري واقعي جو ڪو به ڪيس داخل نه ٿي سگھيو